३ आश्विन २०८३, शनिबार
बि प्लस खबर
कञ्चनपुरको बेलौरी नगरपालिका–२ टेडुवामा बाघ देखिएपछि स्थानीय त्रसित भएका छन् ।
गहुँबारीमा शनिबार बिहानै बाघ देखिएको हो । इलाका वन कार्यालय कुण्डाका वन अधिकृत दिनेश यादवका अनुसार गुहँबारीमा देखिएको बाघ वयस्क छ । वनको टोलीसंँगै सुरक्षाकर्मीको टोली बाघ देखिएको स्थानमा पुगेका थिए। बाघलाई नियन्त्रणमा लिनका लागि पनि माथिल्लो निकायमा जानकारी गराइ सकेको वन अधिकृत यादवले बताए, साथै स्थानीय बासिन्दालाई सजगता अपनाउन आग्रह गरे ।
दुई वर्षअघि बेलौरी नगरपालिकामै बाघको आक्रमणबाट एक महिलाको मृत्यु भएको थियो । उक्त बाघ नियन्त्रणमा लिएर काठमाडौं चिडियाखानामा राखिएको छ ।
