६ आश्विन २०८३, मंगलवार
बि प्लस खबर
कोशिश कैलालीको आयोजना र धनगढी उप– महानगरपालिका वडा नं १५ को आर्थिक सहयोगमा लागू औषध दुर्व्यसनी न्यूनीकरण सम्बन्धि सचेतना कार्यक्रम वडा अध्यक्ष सुखदेव रानाको प्रमुख आतिथ्यतामा र संस्थाका अध्यक्ष मनोज चौधरीको सभाध्यक्षतामा सम्पन्न भएको छ ।
कार्यक्रममा धनगढी-१५ का वडा सदस्य तथा कार्यपालिका सदस्य सुष्मा चौधरी , वडा सदस्य मन्त्री राना , वडा सदस्य मंगली सार्की , वडा सचिव बागेश्वर दत्त ओझा , स्वयंसेविका ,शिक्षक , विद्यार्थीहरु लगायत संस्थाका प्रतिनिधिहरुको उपस्थिति रहेको थियो ।
कार्यक्रममा प्रमुख अतिथी वडा अध्यक्ष रानाले युवाहरूलाई लागू औषधको लतबाट जोगाउन यस्ता सचेतनामूलक कार्यक्रमले सकारात्मक प्रभाव पार्ने बताए । उनले समाजलाई स्वस्थ, सुरक्षित र सबल बनाउन सबैले मिलेर लाग्नुपर्नेमा जोड दिए।
कार्यक्रममा विभिन्न वक्ताहरूले लागू औषधको प्रयोगबाट हुने शारीरिक, मानसिक र सामाजिक असरबारे जानकारी गराउँदै दुर्व्यसनबाट बच्न अभिभावक, समुदाय र संस्थाहरूबीच सहकार्य आवश्यक रहेको बताएका हुन ।
बढ्दो लागूपदार्थ दुर्व्यसन रोकथामका लागि भविष्यमा पनि यस्ता कार्यक्रम सञ्चालन गर्दा राम्रो हुने भनेर सहभागीहरुले बताएका हुन ।
प्रहरी चौकी कनरीका प्रहरी जनक राज पन्तले लागुऔषध सम्बन्धि कानुनीको बारेमा र नोभा अस्पतालका डा. रामचन्द्र लामिछानेले लागू औषधका लक्षणहरुको बारेमा प्रस्तुतीकरण प्रस्तुत गरेका हुन ।
