१ आश्विन २०८३, बिहीबार
बि प्लस खबर
अत्तरिया – कैलालीको गोदावरी नगरपालिका वडा नं ५ गेटीमा एक जना मृत फेला परेका छन् । गेटा आखाँ अस्पताल अगाडी पसल संचालन गर्दै आएका सोही ठाउँ बस्ने ३६ बर्षिय शिवचरण राना मृत अबस्थमा फेला परेका हुन् ।
राति पसलमै सुतेका उनी बिहान घर जाने क्रममा बाटोमा हत्या गरिएको अबस्थामा मृत फेला परेको वडा नं ५ का वडा अध्यक्ष कर्ण सिंह बोहराले जानकारी दिए ।
उनको टाउकोमा खुकुरी प्रहार गरि हत्या गरेको जस्तो देखिएको उनले बताए । हत्या कसले र किन गरेको भन्ने बारे खुलेको छैन ।
यद्धपी यस बिषयमा प्रहरीले अनुसन्धान गरिरहेको ईलाका प्रहरी कार्यालय मालाखेतीले जनाएको छ । यसअघि रानाको पसलमा आगालागी समेत भएको थियो ।
