बडिमालिका पूर्वाधार विकास तथा प्रबर्द्धन सम्बन्धी कार्ययोजना तयार गर्न कार्यदल गठन गरिने भएको छ ।
बुधबार सुदुरपश्चिम प्रदेशका मुख्यमन्त्री कमल बहादुर शाहको प्रमुख आतिथ्यमा मुख्यमन्त्री तथा मन्त्रीपरिषद्को कार्यालयमा भएको बडिमालिका क्षेत्रको पर्यटन विकासका क्रियाकलापहरुको आगामी कार्यदिशा सम्बन्धी छलफल भएको थियो । छलफलमा बडिमालिका पूर्वाधार विकास तथा प्रबर्द्धन सम्बन्धमा हालसम्म भएका कार्यको अध्ययन र समीक्षा गर्ने र बडिमालिका विकास/प्रबर्द्धनका लागि तत्काल र दीर्घकालमा गरिने कार्यहरुको कार्ययोजना तयार गर्न कार्यदल गठन गरिने जानकारी दिइएको हो ।

यसअघि मुख्यमन्त्री शाहले बडिमालिका सुदूरपश्चिमको धार्मिक आस्थाको केन्द्रविन्दु र पर्यटकीय हिसाबले भूस्वर्ग रहेकोले बडिमालिका मन्दिर क्षेत्रमा प्राविधिक टोली खटाई अन्य संरचना निर्माणको थालनी गर्न उद्योग, पर्यटन, बन तथा वातावरण मन्त्रालयलाइ निर्देशन दिइसक्नु भएको छ ।