३० भाद्र २०८३, मंगलवार
बि प्लस खबर
इरानसँगको ३–० को निराशाजनक हारपछि नेपाल महिला फुटबल टोली सोमबार भारतविरुद्धको अन्तिम खेलका लागि शिलोङमा तयारीमा जुटेको छ।
प्रशिक्षक नवीन न्यौपानेले टोलीको रक्षात्मक गल्ती नदोहोर्याई आक्रामक र सन्तुलित फुटबल खेल्ने लक्ष्य लिएका छन्।
नेपाल र भारतबीच अहिलेसम्म १८ खेल भएकोमा नेपालले केवल दुईमा जितेको छ। तर पछिल्ला वर्षमा नेपालले प्रतिस्पर्धात्मक प्रदर्शन गर्दै आएको छ।
सावित्रा भण्डारी ‘साम्बा’ नेपालको मुख्य हतियार हुन्, जसले अहिलेसम्म ६६ अन्तर्राष्ट्रिय गोल गरिसकेकी छन्।
भारतका प्रशिक्षक क्रिस्पिन छेत्रीले पनि इरानविरुद्धको हारपछि नयाँ रणनीतिसहित युवा खेलाडीहरूलाई मौका दिने बताएका छन्।
दुवै टोलीका लागि यो खेल जितका साथ आत्मविश्वास फिर्ता ल्याउने र दक्षिण एशियाली फुटबलमा हैसियत प्रदर्शन गर्ने अवसर हुनेछ।
