२१ कार्तिक २०८२, शुक्रबार
बि प्लस खबर
थरूहट–थारूवानका मुद्दा उठान तथा बहस गर्न, साथै निस्पक्ष र स्वतन्त्र प्रगतिशील अभियान सञ्चालन गर्ने उद्देश्यका साथ यो अभियान गठन गरिएको जनाइएको छ।
यस अभियान अन्तर्गत जेन्जी संयोजकको जिम्मेवारी अर्णव चौधरीलाई सर्वसम्मत रूपमा दिइएको छ। अभियानका प्रतिनिधिहरूका अनुसार, थारू नागरिक अभियानले काठमाडौं उपत्यकाभित्रका थारू समुदायसँग सम्बन्धित संघ–संस्था, थारू अगुवा तथा सरोकारवालासँग बृहत अन्तरक्रिया गर्ने र देशभर अभियान विस्तार गर्ने योजना बनाएको छ।
थारू अगुवा माधव थारूका अनुसार, भदौ २३ र २४ गतेको जेन्जी आन्दोलनपश्चात थारू समाजमा देखिएको “उकुसमुकुस र शून्यता”लाई सम्बोधन गर्नका लागि अभियानको आवश्यकता महसुस गरिएको हो।
उनले भने,
“जेन्जी आन्दोलनपछि देशको परिवर्तित अवस्थासँगै थारू समुदायको आवाज बुलन्द हुनु आवश्यक थियो, तर त्यो हुन सकेन। यही कारण यो नागरिक अभियान गठन गरिएको हो।”
थारू नागरिक अभियानले सम्पूर्ण थारू युवा, अगुवा तथा सरोकारवालाहरुलाई अभियानमा जोडिन र थरूहट–थारूवान आन्दोलनले उठाएका मुद्दाहरू सम्बोधन प्रक्रियामा हातेमालो गर्न आह्वान गरेको छ।
