फागुन १३, कैलाली
सुदूरपश्चिम प्रदेशका मुख्यमन्त्री कमलबहादुर शाहले सहिद दशरथ चन्द स्वास्थ्य विज्ञान विश्वविद्यालय सञ्चालन पश्चात सुपका जनताले स्तरिय स्वास्थ्य सेवा पाउने विश्वास व्यक्त गर्नु भएको छ ।

बुधबार मुख्यमन्त्री शाह र सहिद दशरथ चन्द स्वास्थ्य विज्ञान विश्वविद्यालयका पदाधिकारीहरुबीच विश्वविद्यालय सञ्चालनका सम्बन्धमा छलफल थियो । छलफलमा मुख्यमन्त्रि शाहले सुपका जनतामा स्तरिय स्वास्थ्य सेवा पहुँच पुर्याउनजका लागि सहिद दशरथ चन्द स्वास्थ्य विज्ञान विश्वविद्यालय छिटो ञ्चालन गर्नुपर्नेमा जोड दिनु भएको छ ।

साथै मुख्यमन्त्रि शाहले विश्वविद्यालय जनताको स्वास्थ्य र शिक्षासँग प्रत्य क्षरुपमा जोडिएकोले यसको सञ्चालनका लागि सरकार तयार रहेको र सरकार तर्फबाट गर्नुपर्ने आवश्यक सहयो गर्न तयार रहेको बताउनु भयो । बैठकमा सुदुरपश्चिमको गौरबको आयोजना विश्वविद्यालयको पूर्वाधार विकास, जनशक्ति व्यवस्थापन तथा शैक्षिक कार्यक्रम विस्तारबारे समेत छलफल भएको थियो ।

छलफलमा विश्वविद्यालयका उपकुलपति प्रा.डा. सुनिलकुमार जोशी, रजिस्ट्रार प्रा.डा. खेमराज जोशी, मुख्यमन्त्री तथा मन्त्रिपरिषद्को कार्यालय प्रमुख सचिव वैकुण्ठ प्रसाद अर्याल लगायतका पदाधिकारीहरूको सहभागिता रहेको थियो।