१९ चैत्र २०८२, बिहीबार
बि प्लस खबर
२१ फागुनमा सम्पन्न प्रतिनिधिसभा निर्वाचनबाट निर्वाचित सांसदहरूको पद तथा गोपनीयताको शपथग्रहण १२ चैतमा हुने भएको छ। २७५ सदस्यीय प्रतिनिधिसभामा सबैभन्दा ज्येष्ठ सदस्य रहेका नेपाली कांग्रेसका अर्जुननरसिंह केसीले राष्ट्रपतिबाट शपथ लिएपछि अन्य सांसदलाई शपथ गराउने कार्यक्रम छ।
सुदूरपश्चिम प्रदेशका थारु सांसदहरूले आफ्नै मातृभाषामा शपथ लिने इच्छा व्यक्त गरेका छन्,
जसमा गीता चौधरीले थारु भाषामा , कृपाराम रानाले रानाथारु भाषामा र करिश्मा कठरियाले कठरिया भाषामा शपथ लिने तयारी गरेका छन्। यी तीनै जना समानुपातिक प्रणालीमार्फत सांसद बनेका हुन्।
शपथसम्बन्धी ऐन २०७९ अनुसार सांसदहरूले आफ्नो मातृभाषामा शपथ लिन पाउने व्यवस्था रहेको छ। सोही आधारमा सांसदहरूले आफूले रोजेको भाषाको विवरण संसद सचिवालयमा दर्ता गराएका हुन्।
गीता चौधरी र करिश्मा कठरिया रास्वपा र कृपाराम राना नेकपा एमाले बाट सांसद बनेका हुन ।
