११ श्रावण २०८३, सोमबार
बि प्लस खबर
धनगढी, साउन १
नेपालका लागि टीभीएस मोटर कम्पनी (TVSM) को आधिकारिक विक्रेता जगदम्बा मोटर्स प्रा.लि.ले सेती र महाकाली क्षेत्रमा आफ्नो नयाँ मोटरसाइकल TVS Apache RTR 160 4V सार्वजनिक गरेको छ। धनगढी स्थित होटल पोवामा आयोजित एक विशेष कार्यक्रमका बीच आधिकारिक डिलरसिप पार्टनर्स, मिडियाकर्मी तथा बाइक प्रेमीहरूको उपस्थितिमा यो बाइक सार्वजनिक गरिएको हो।
जगदम्बा मोटर्सका प्रिमियम सेल्स हेड बिपिन बोगटीका अनुसार, विगत दुई दशकदेखि रेसिङलाई सर्वसाधारणको पहुँचमा पुर्याउँदै आएको टीभीएस एपाचेले यस पटक नेपालकै सबैभन्दा शक्तिशाली १६० सीसी (cc) सेगमेन्टकै पहिलो बाइक बजारमा ल्याएको हो।
कम्पनीले यस नयाँ संस्करणमा राइडरको सुरक्षा, रात्रिकालीन दृश्यात्मकता (Visibility) र नियन्त्रणलाई अझ सुदृढ बनाउन नयाँ प्रविधिहरू थप गरेको छ। यस सेगमेन्टमै पहिलो पटक समावेश गरिएका विशेषताहरू निम्न छन्:
यो मोटरसाइकल म्याट ब्याक, रेसिङ रेड र मरिन ब्लु गरी तीनवटा आकर्षक रङहरूमा उपलब्ध छ। जगदम्बा मोटर्सले यो नयाँ एपाचे बाइकको शोरुम मूल्य रु. ४,२९,९००/- तोकेको छ।
४४ वर्षको रेसिङ विरासत बोकेको टीभीएस एपाचेको यो नयाँ मोडलले नेपाली अटोमोबाइल बजारमा आफ्नो बलियो उपस्थिति कायम राख्ने र युवा राइडरहरूको रोजाइमा पर्ने विश्वास कम्पनीले लिएको छ।
