११ श्रावण २०८३, सोमबार
बि प्लस खबर
धनगढी, १ असार
राष्ट्रिय परीक्षा बोर्ड (NEB) द्वारा लिइएको परीक्षामा रानाथारु समुदायका विद्यार्थीहरूले उत्साहजनक नतिजा ल्याएका छन्। लालझाडी गाउँ पालिकामा सार्वजनिक गरिएको सहभागी १४ जना रानाथारु विद्यार्थीहरूको विवरण अनुसार, छात्रातर्फ जयन्ती राना र छात्रतर्फ पहिलाद रानाले समुदायमै सबैभन्दा उत्कृष्ट अंक (GPA) हासिल गर्न सफल भएका छन्। लालझाडी ४ का युवा अभियानता हाल रोजगारका सिलसिलामा प्रदेश रहेका भोजराज रानाले दुबै जना लाई नगद १००००/१०००० हजार रुपैया सहित सम्मान गरेका छन् ।
कञ्चनपुरको महेन्द्रनगरस्थित रेडियन्ट सेकेन्डरी स्कुलकी छात्रा जयन्ती रानाले ३.७० जीपीए (GPA) प्राप्त गर्दै सम्पूर्ण रानाथारु विद्यार्थीहरूमध्येकै ‘हाइएस्ट फीमेल जीपीए’ (सर्वोत्कृष्ट छात्रा) को उपाधि पाएकी छिन्।
त्यसैगरी, कञ्चनपुरकै अनिरुद्र इङ्लिस स्कुल, पिपलाडीका छात्र पहिलाद रानाले ३.४१ जीपीए (GPA) ल्याएर छात्रतर्फ समुदायमै पहिलो (हाइएस्ट मेल जीपीए) स्थान सुरक्षित गरेका छन्।
सार्वजनिक सूची अनुसार कञ्चनपुर र कैलालीका विभिन्न विद्यालयहरूबाट परीक्षामा सहभागी अन्य रानाथारु विद्यार्थीहरूले पनि राम्रो जीपीए ल्याएका छन्:
यसका साथै रौलेश्वर सेकेन्डरी स्कुलकी छात्रा किरण रानाले पनि ३.५० जीपीए जस्तो उत्कृष्ट अंक ल्याएकी छिन्।
रानाथारु समुदायका प्रतिभाहरूले शिक्षा क्षेत्रमा देखाएको यो प्रगतिले स्थानीय स्तरमा निकै खुसीयाली छाएको छ भने उत्कृष्ट स्थान हासिल गर्ने विद्यार्थीहरूलाई विभिन्न संघसंस्थाहरूले बधाई तथा शुभकामना व्यक्त गरिरहेका छन्।
भोजराज रानाले यस भन्दा पहिले पनि एस इ इ मा उत्कृष्ट बिद्यार्थी निजि तथा सरकारी विद्यालय गरि ३ जनालाई जनहि ५००० क दर ले सहयोग गरेका थिए ।
