९ आश्विन २०८३, शुक्रबार
बि प्लस खबर
धनगढी । डोटीकी सेती नदीयामे कुदके हरानी भई २२ वर्षकी शिक्षिका प्रियंका श्रेष्ठकी लहास् कैलालीमे् मीलि हए ।
दिपायल सिलगढी नगरपालिका ०६ नाचनथलीकी श्रेष्ठ भदौ ३० गते दिपायल सिलगढी नगरपालिका ०३ मे रही भई सेती नदीयाकी झुलँगी पुलसे नदियामे गीरके बेपत्ता भइ रहएं ।
बिनकी लहास् बुधबारके टिकापुर नगरपालिका ०२ मुलपानीमे रहीभइ कर्णाली नदियाकी किनारे मिली रहए कर्के प्रहरी बताइरहएं । टिकापुरकी इलाका प्रहरी कार्यलयसे प्रहरी नायव उपरीक्षक प्रकास डाँगीकी नेतृत्वमे प्रहरी टोली घटना स्थलमे पुगी रहए ।
आवश्यक कानुनी प्रक्रीया पुरा कर्के लहास् टिकापुर अस्पतालकी शवगृहमे धरीहए कर्के प्रहरी बताइ हए ।
