लगातार भइरहेको वर्षा र सम्भावित विपद्को जोखिमलाई मध्यनजर गर्दै कञ्चनपुरको दोधारा–चाँदनी नगरपालिका–८ झर्का टोलका ५परिवारलाई विद्यालयमा सारिएको छ ।

जगबुडा नदीको बहाव बढ्न थालेपछि बाढीको जोखिममा ५ सरसामानसहित जनज्योति माध्यमिक विद्यालयमा सारिएको हो । यसअघि दोधारा–चाँदनी–३ पटेराखल्लाका १४ परिवार पनि जमुना आधारभूत विद्यालयमा सरेका थिए ।
दोधारा–चाँदनीमा जगबुडा र महाकाली नदीका कारण डुबान तथा कटानको जोखिम रहँदै आएको छ । विगतमा परेको भारी वर्षाका कारण जिल्लाका महाकाली, जगबुडा, चौधर, सुनबरा, दोदा, भुजेला, झरनाखोला, अनखोला लगायत स–साना नदीखोलामा डुबान, कटान र पटान हुँदै आएको छ ।

सम्भावित जोखिम सामना गर्न कञ्चनपुरका सरोकारवाला निकाय तयारी अवस्थामा रहेको प्रशासनले जनाएको छ ।