लगातार भइरहेको वर्षा संगै मधेश प्रदेश,बागमती,गण्डकी र लुम्बिनी प्रदेशका तराईं क्षेत्रमा ठूलो हावा पनि चलिरहेको छ । भारतको उत्तर प्रदेशको आसपासमा रहेका न्युनचापीय क्षेत्रको प्रभावका कारण आज राती पनि ती क्षेत्रमा ठूलो हावाहुरी चल्ने सम्भावना रहेको नेपाल मौसम विज्ञान विभागले सुचना जारी गरेको छ ।
यस्तै,आईतबार लुम्बिनी र सुदुरपश्चिम प्रदेशका विभिन्न स्थानहरु समेत अत्याधिक हावाहुरी चल्ने सम्भावना रहेको मौसम विभागले जनाएको छ ।
हाल तल्लो वायुमण्डलमा हावाहुरी चलेको कारण मौसममा परिवर्तन देखिएको मौसमविद्ले जनाएका छन् ।
सम्बन्धित जोखिम भएका क्षेत्रका बासिन्दालाई सतर्कता अपनाउन र कमजोर संरचना र रुखमुनि नबस्न मौसम विभागले आग्रह गरेको छ ।