निरन्तरको वर्षाका कारण पछिल्लो तीन दिनदेखि बन्द रहेका सुदूरपश्चिमका पहाडी जिल्लाका यातायात पुनः सञ्चालनमा आएका छन् ।

सोमबार बिहानदेखि वर्षा रोकिएसँगै स्थानीय प्रशासनले लामो तथा छोटो दूरीका सवारीसाधन सञ्चालन गर्न अनुमति दिएको छ । स्वहि अनुसार सार्वजनिक तथा निजी सवारी साधन पुनः सञ्चालनमा आएका छन् ।

प्रदेश ट्राफिक प्रहरी कार्यालय अत्तरियाका अनुसार सोमबार बिहानदेखि प्रदेशका सातवटै पहाडी जिल्लामा लामो तथा छोटो दूरीका सवारीसाधन सञ्चालनमा आएका छन् । अविरल वर्षाका कारण सुदूरपश्चिम प्रदेशका केहि स्थानका सडक भासिएका छन् । उक्त सडकहरुको मर्मत सम्भारको काम समेत भईरहको जनाईएको छ ।