लगातारको वर्षाका कारण महाकाली नदीमा पानीको बहाव बढेपछी बन्द गरिएको चार पाङ्ग्रे सवारी साधन आवागमन सहज भएको छ ।
त्यसपश्चात कञ्चनपुरको पश्चिमी गड्डाचौकी नाका भएर नेपाल–भारत आवागमन आजदेखि सहज भएको छ ।
लगातारको वर्षाका कारण महाकाली नदीमा पानीको बहाव एक लाख क्यसेक पार गरेपछि दुई दिनदेखि शारदा ब्यारेज (बनवासा पुल) मा चार पाङ्ग्रे सवारीसाधन आवागमनमा रोक लगाएको थियो ।
जिल्ला प्रहरी कार्यालय कञ्चनपुरका प्रवक्ता एवं प्रहरी नायब उपरीक्षक टेकबहादुर रावतले आज बिहान महाकाली नदीमा पानीको बहाव घटेसँगै बनवासा पुल पूर्ण रूपमा सञ्चालन भएको जानजकारी दिए । प्रहरीका अनुसार सोमबार बिहान पानीको बहाव ९८ हजार क्यसेक मापन गरिएको छ ।