सुदूरपश्चिम प्रदेशस्तरीय छनोट प्रतियोगिताअन्तर्गत टेबुल टेनिसका खेलहरू सम्पन्न भएका छन्। प्रतियोगिताबाट पुरुष र महिला एकलतर्फ पाँच–पाँच जना खेलाडी दशौँ राष्ट्रिय खेलकुद प्रतियोगिताका लागि छनोट भएका छन्।

पुरुष एकलतर्फ कञ्चनपुरका आयुष बम प्रथम भएका छन्। कैलालीका दिवस जेठारा दोस्रो, कैलालीकै रोशन गोले तेस्रो, डोटीका विशाल शाही चौथो र कैलालीका अनुज खड्का पाँचौँ स्थानमा रहे। यी पाँचै खेलाडीले दशौँ राष्ट्रिय खेलकुद प्रतियोगितामा सुदूरपश्चिम प्रदेशको प्रतिनिधित्व गर्नेछन्।

त्यस्तै, महिला एकलतर्फ कञ्चनपुरकी महिमा महता प्रथम भएकी छन्। कञ्चनपुरकै आस्था केसी दोस्रो र रेखा विष्ट तेस्रो स्थानमा रहिन्। बझाङकी विनोदा धामी पाँचौँ स्थानमा रहिन्। महिला एकलतर्फ पनि छनोट भएका पाँच खेलाडीले दशौँ राष्ट्रिय खेलकुद प्रतियोगितामा प्रतिस्पर्धा गर्नेछन्।