दशौँ बृहत् राष्ट्रिय खेलकुद प्रतियोगिताका लागि सुदूरपश्चिम प्रदेशबाट कुस्तीमा १८ खेलाडी छनोट भएका छन्।

शनिबार कञ्चनपुरको महेन्द्रनगरमा सम्पन्न प्रदेशस्तरीय छनोट प्रतियोगिताबाट १० पुरुष र ८ महिला खेलाडी छनोट भएका हुन्।

पुरुषतर्फ कञ्चनपुरका रोहित सार्की, सुनिल चौधरी, कैलाश शर्मा, लक्ष्मण नगारी, ललित सार्की, महेश जोशी, हरिश चन्द र विनोद रैकाल तथा दार्चुलाका पवन धामी र कैलालीका सन्दिप सार्की छनोट भएका छन्।

महिलातर्फ कञ्चनपुरका बिनिता चौधरी, कृतिका चन्द, कलावती अवस्थी, निर्मला जाग्री, विमला सुनार, अञ्जली डगौंरा र माया भट्ट तथा दार्चुलाकी सङ्गीता पाल छनोट भएका छन्।

दशौँ राष्ट्रिय खेलकुदका लागि शनिबारदेखि धनगढी र महेन्द्रनगरमा प्रदेशस्तरीय छनोट प्रतियोगिता सुरु भएको छ। मङ्सिर १ गतेसम्म सञ्चालन हुने छनोटबाट ७५० खेलाडीले सुदूरपश्चिमको प्रतिनिधित्व गर्नेछन्।