२९ कार्तिक २०८३, आईतवार
बि प्लस खबर
बाजुराको गौमुल गाउँपालिका–५ मा भिरबाट खसेको ढुङ्गा लागेर ८ वर्षीय बालक समिर बुढाको मृत्यु भएको छ।
शुक्रबार दिउँसो करिब ४ बजे गौमुल गाउँपालिका–४ घोगालाबाट घर फर्किने क्रममा अचानक भिरबाट खसेको ढुङ्गा टाउकोमा लाग्दा उनको घटनास्थलमै मृत्यु भएको प्रहरीले जनाएको छ।
घटनापछि प्रहरीले शव पोस्टमार्टमका लागि जिल्ला अस्पताल मार्तडी पठाएको छ। घटनाबारे थप अनुसन्धान भइरहेको प्रहरीले जनाएको छ।
