धनगढीका व्यवसयी नारायण लम्सालको कोरोना भाइरसको संक्रमणबाट निधन भएको छ। केही दिन यता कोरोना संक्रमित भइ उपचार गराइरहेका उनको सोमबार काठमाण्डौँमा निधन भएको हो।

धनगढीमा उपचार सम्भव नभएपछि ४ दिनअघि उनलाई थप उपचारका लागि काठमाडौँको नोवेल होस्पिटलमा भर्ना गरिएको नेकपा एमाले कैलाली सहइन्चार्ज दिपक देवकोटाले जानकारी दिए। र सोमबार उपचारकै क्रममा उनको ज्यान गएको जनाइएको छ ।

४९ वर्षीय लम्साल नेपाल राष्ट्रिय उद्योग व्यवसायी महासंघका केन्द्रीय सदस्य, नेकपा एमाले धनगढीका पूर्वनगर अध्यक्ष, कैलाली उद्योग वाणिज्य संघका पूर्व सचिव रहेका थिए।