कञ्चनपुरको बेलौरी नगरपालिकामा आज आइतबार शोक बिदा दिइएको छ । बेलौरी नगरपालिका वडा नम्बर ३ का वडाध्यक्ष सिताराम रिजालको शनिबार निधन भएको प्रति गहिरो दुःख व्यक्त गर्दै बेलौरी नगरपालिकाले मिति आज फागुन २५ गते एक दिन नगरपालिकाभर शोक बिदा दिने निर्णय गरेको हो । नगर प्रमुख पोतीलाल चौधरीद्वारा जारी सूचनामा नगर कार्यपालिकाको कार्यालय तथा अन्तर्गतका सबै निकायहरूमा शोक बिदा रहने जनाइएको छ । रिजालको निधनले समग्र नगरवासीलाई शोकाकुल बनाएको भन्दै उहाँको आत्माको चिरशान्तिको कामना गरिएको छ । स्थानीय तह तथा विभिन्न राजनीतिक दलका प्रतिनिधिहरूले वडा अध्यक्ष रिजालको निधनप्रति शोक व्यक्त गर्दै उहाँले पुर्‍याएको योगदानको सम्झना गरेका छन् ।